ನೀರಿಂಗೆ ನೈದಿಲೆಯೆ ಶೃಂಗಾರ, ಸಮುದ್ರಕ್ಕೆ ತೆರೆಯೆ ಶೃಂಗಾರ, ವಿಶ್ವಗುರು ಬಸವಣ್ಣನವರ ವಚನದ ಭಾವಾರ್ಥ ವಿಶ್ಲೇಷಣೆ-; ಲೋಕೇಶ್ ಎನ್ ಮಾನ್ವಿ.

 ಓಂ ಶ್ರೀಗುರುಬಸವಲಿಂಗಾಯ ನಮಃ

ನೀರಿಂಗೆ ನೈದಿಲೆಯೆ ಶೃಂಗಾರ,

ಸಮುದ್ರಕ್ಕೆ ತೆರೆಯೆ ಶೃಂಗಾರ,

ನಾರಿಗೆ ಗುಣವೆ ಶೃಂಗಾರ,

ಗಗನಕ್ಕೆ ಚಂದ್ರಮನೆ ಶೃಂಗಾರ,

ನಮ್ಮ #ಕೂಡಲಸಂಗನ ಶರಣರ
ನೊಸಲ ವಿಭೂತಿಯೆ ಶೃಂಗಾರ.

✍🏾-;ವಿಶ್ವಗುರು ಬಸವಣ್ಣನವರು.

               ಭಾವಾರ್ಥ-;

‘ನೀರಿಂಗೆ ನೈದಿಲೆಯೆ ಶೃಂಗಾರ’

ಬಾಹ್ಯ-; ನೀರಿನ ಅಂದ ಚೆಂದಕ್ಕೆ ಅದರಲ್ಲಿ ಅರಳಿದ ತಾವರೆಯ ಹೂ ಮತ್ತಷ್ಟು ಮೆರುಗು ನೀಡುವಂತೆ,

ಆಂತರಿಕ-: ನಿಂತ ನೀರಂತೆ ಲೌಕಿಕದ ಚಿಂತೆಯಲ್ಲಿರುವ ಮನದಲ್ಲಿ ಅರಿವೆಂಬ ತಾವರೆ ಅರಳಿ ನಿಂತರೆ ಬದುಕಿಗೆ ಅದುವೇ  ಶೃಂಗಾರ ಸೊಗಸು.👌

‘ಸಮುದ್ರಕ್ಕೆ ತೆರೆಯೆ ಶೃಂಗಾರ’

ಬಾಹ್ಯ-; ಹಲವು ನದಿಗಳ ಸಂಗಮವಾದ  ಸಮುದ್ರವು ಕೆರೆಯ ನೀರಂತೆ ಸುಮ್ಮನಿದ್ದರೆ ಏನು ಚೆಂದ ? ಅದು ಚಂದಲ್ಲ,

ಸಮುದ್ರಕ್ಕೆ ತುಂಬಿ ತುಳುಕುವ ಅಲೆಗಳ ನರ್ತನವೇ  ಬಲು ಸುಂದರ..👌🏻

ಆಂತರಿಕ-; ಜೀವನವು ಒಂದು ಮಹಾನ್ ಸಾಗರವಿದ್ದಂತೆ,

ಇಲ್ಲಿ ಕಷ್ಟಸುಖ  ಲಾಭನಷ್ಟ  ಸ್ತುತಿನಿಂದೆಗಳೆಂಬ ನೆರೆತೊರೆಗಳು ಬಂದಾಗ ಗಟ್ಟಿತನದಿಂದ ಎದುರಿಸಿ ನಿಂತಾಗಲೇ ಆ ಬಾಳಿಗೊಂದು ಶೃಂಗಾರ.👌

‘ನಾರಿಗೆ ಗುಣವೇ ಶೃಂಗಾರ'

ಸೌಂದರ್ಯ ಪ್ರಿಯೆಯಾದ ನಾರಿಯರಿಗೆ

ಅವ್ಯಾವುದೇ ಬಾಹ್ಯ ಆಡಂಬರದ ಒಡವೆಗಳಿಗಿಂತಲೂ ಅವಳ ಆಂತರಿಕ ಮಾತೃಹೃದಯದ ವಾತ್ಸಲ್ಯವೇ ಹೆಣ್ಣಿಗೆ ಬಲು ಚೆಂದದ ಶೃಂಗಾರವಾಗಿದೆ,💗

‘ಗಗನಕ್ಕೆ ಚಂದ್ರಮನೆ ಶೃಂಗಾರ’

ಬಾಹ್ಯ-; ಕೊನೆಯಿಲ್ಲದ ವಿಶಾಲ ನೀಲಿ ಆಕಾಶಕ್ಕೆ ಬೆಳ್ಳಿಚುಕ್ಕಿಗಳ ಮಧ್ಯದ ಚಂದ್ರಮನೆ ಬಲು ಚೆಂದದ ಶೃಂಗಾರ,

ಆಂತರಿಕ-; ಮನುಷ್ಯನ ಚಿತ್ತ ಮತ್ತು ಮನಸ್ಸು ಇವೆರಡೂ ಕೂಡ

ಗಗನದಂತೆ ವಿಶಾಲ,

ಒಂದರೆ ಕ್ಷಣದಲ್ಲಿ ಇಡೀ ಜಗತ್ತಿನ್ನೇ ತನ್ನೊಳಗೆ ಕಲ್ಪಿಸಿಕೊಳ್ಳಬಹುದು, ಆದರೆ ಈ ಮನಕ್ಕೆ ಚಂದ್ರಮನಂತಿರುವ ಶಾಂತ ಚಿತ್ತವಿದ್ದರೆ ಇಡೀ ಬದುಕೇ ಬೆಳದಿಂಗಳ ಶೃಂಗಾರದಂತೆ ಬಲು ಚೆಂದ.👌👌

‘#ಕೂಡಲಸಂಗನ ಶರಣರ ನೊಸಲ ವಿಭೂತಿಯೆ ಶೃಂಗಾರ’

ನಮ್ಮ ಶರಣರ ನೊಸಲಿನ ವಿಭೂತಿಯ ಮೂರು ಎಳೆಗಳು. ‘ತನು_ಮನ_ಧನ’

‘ತನು’ (ದೇಹ) ನಿರ್ಮೋಹವೆಂಬ ಅಗ್ನಿಯಲ್ಲಿ ಸುಟ್ಟು ಗಟ್ಟಿಗೊಂಡ ಒಂದು ಎಳೆ,

‘ಮನ'ನಿರಹಂಕಾರವೆಂಬ ಅಗ್ನಿಯಲ್ಲಿ ಸುಟ್ಟುಗಟ್ಟಿಗೊಂಡ ಎರಡನೆ ಎಳೆ,

‘ಧನ' ನಿರಾಪೇಕ್ಷೆಯೆಂಬ ಅಗ್ನಿಯಲ್ಲಿ ಸುಟ್ಟುಗಟ್ಟಿಗೊಂಡ ಮೂರನೇ ಎಳೆ,,

ಈ ‘ಸತ್_ಚಿತ್_ಆನಂದ’  ಅಕಾರ ಉಕಾರ ಮಕಾರ ಓಂಕಾರ ಸ್ವರೂಪವಾದ

ಸೃಷ್ಟಿ ಸ್ಥಿತಿ ಲಯದ ಪ್ರತೀಕ ಶ್ರೀವಿಭೂತಿಯನ್ನು ಧರಿಸಿದ ಶರಣರ ಮುಖದಲ್ಲಿ ಪ್ರಸನ್ನತೆಯ ಕಳೆ ತುಂಬಿರುತ್ತದೆ, ನಮ್ಮ ಕೂಡಲಸಂಗನ ಶರಣರ ನೊಸಲ ವಿಭೂತಿಯೆ ಶೃಂಗಾರ, 👌👌👌ಶ್ರೀವಿಭೂತಿಯೇ ಶರಣರ ಮುಖಸಜ್ಜೆಯ ಕಳೆ

ಎನ್ನುತ್ತಾರೆ ವಿಶ್ವಗುರು ಬಸವಣ್ಣನವರು.👏🏻👏🏻👏🏻

🙏🏻ಶರಣು ಶರಣಾರ್ಥಿಗಳೊಂದಿಗೆ🙏🏻

✍🏾ವಿಶ್ಲೇಷಣೆ-;#ಲೋಕೇಶ್_ಎನ್_ಮಾನ್ವಿ.